Nurlan Libre
“Meydan TV işi” üzrə hazırda həbsdə olan və 36 gündür aclıq edən jurnalist Nurlan Librenin (Qəhrəmanlı) səhhətinin pisləşdiyi deyilir
Bu barədə jurnalist Əsli Əlizadə “Facebook” səhifəsində məlumat yayıb.
O bildirib ki, Libre ciddi kilo itirib və səhhəti pisləşməyə doğru davam edir. Bundan başqa, jurnalistə fevralın 16-da məhkəmədə baş verənlərə görə ərizə yazılması tələb edilib.
“Ayın 16-sı ərizə yazmağı istənilib. Məhkəmədə şüşəni döyəcləmələri və səs-küy salmaqlarıyla bağlı. Ərizəsində hakim Aytən Əliyevanın jurnalistlərin çıxışına maneələr yaratdığını, sözlərini kəsdiyini və onları şüşə qəfəs arxasında saxladığını qeyd edib. Belə hallar davam edərsə, növbəti məhkəmə proseslərində də eyni formada etiraz edəcəyini bildirdi. Bu gün səhər isə qaldığı kamerada heç bir səbəb göstərilmədən axtarış aparılıb”, – deyə Əlizadə yazısında bildirib.
Jurnalist Nurlan Libre yanvarın 16-da keçirilən məhkəmədə aclıq aksiyasına başladığını bildirmişdi. O, aclıq aksiyasını hələ də davam etdirir.
Nurlan Libre 2025-ci il fevralın 21-də Meydan TV ilə əlaqəli cinayət işinə görə həbs olunub.
Meydan TV
