Seçkilərin Monitorinqi və Demokratiyanın Tədrisi Mərkəzinin (SMDT) sədri Anar Məmmədli qanunsuz olaraq saxlanıldığı Bakı İstintaq Təcridxanasından Beynəlxalq İnsan Hüquqları Günü münasibətilə Azərbaycanda mütərəqqi və sivil dəyərlər uğrunda çalışan bütün hüquq müdafiəçilərini, ictimai fəalları, ziyalıları və insan hüquqları təşkilatları üzvlərini təbrik edib:
“Təəssüflər olsun ki, 10 Dekabr İnsan Hüquqları Günü növbəti dəfə ölkəmizdə mülki və siyasi hüquqların böhranı şəraitində yad edilir. Belə bir tarixi günü son 80 ildə insan hüquqları və azadlıqları sahəsində tarixi naliyyətlər əldə etmiş mütərəqqi bəşəriyyətin bir parçası kimi qeyd etmək imkanından məhrumuq. Bunun əsas səbəbi ölkəmizdə hüququn aliliyinə, siyasi plüralizm və demokratik dəyərlərə əsaslanan hüquqi-siyasi sistemin qurulmamasıdır. Son 3 ildə sayı durmadan artan siyasi motivli təqiblər və həbslər, o cümlədən ifadə azadlığı, siyasi iştirak və birləşmək hüquqlarına qarşı təzyiqlər bizi mütərəqqi bəşəriyyətdən hər ötən il daha da uzaqlaşdırır.
Belə ümidsiz və acınacaqlı şəraitdə ölkəmizdə vətəndaş hüquq və azdlıqları uğrunda çalışan hər kəsə əzm və dəyanət arzulayıram!”
