BakıBölgəƏdalətli mühakimə hüququHüquq PozuntularıSliderXƏBƏRLƏR

Məhkəmə Tofiq Yaqublunun həbs müddətini daha 20 gün uzadıb

by Gozetci
written by Gozetci

Tofiq Yaqublu

İyunun 1-də Bakının Nərimanov Rayon Məhkəməsi istintaq orqanının Demokratik Qüvvələrin Milli Şurasının və Müsavat Partiyasının üzvü Tofiq Yaqublu barəsində həbs qətimkan tədbirinin daha 20 gün uzadılması haqqında təqdimatını təmin edib.

Bu barədə Turan-a onun vəkili Nemət Kərimli bildirib.
Onun sözlərinə görə, Yaqublunun həbs müddəti iyunun 11-də başa çatacaqdı, indi məhkəmənin qərarı ilə həbs müddəti 1 iyula qədər uzadılıb.
Maraqlıdır ki, Yaqublu barəsində ibtidai istintaq artıq yekunlaşıb.
Həbs müddətinin uzadılması onun işi üzrə məhkəmə təhqiqatının başlamasının gecikdirilməsi deməkdir.
0 comments
0 FacebookTwitterPinterestTumblrVKWhatsappEmail
BakıBölgəƏdalətli mühakimə hüququHüquq PozuntularıSliderXƏBƏRLƏR

Fərid Mehralızadə barəsində həbs qətimkan tədbiri seçilib

by Gozetci
written by Gozetci

Fərid Mehralızadə

İqtisadçı Fərid Mehralızadə Cinayət Məcəlləsinin 206.3.2-ci qaçaqmalçılıq (qabaqcadan əlbir olan bir qrup şəxs tərəfindən törədildikdə) maddəsi ilə ittiham edilib.

Xətai Rayon Məhkəməsinin qərarı ilə barəsində 3 ay 20 gün müddətinə həbs qətimkan tədbiri seçilib.
0 comments
0 FacebookTwitterPinterestTumblrVKWhatsappEmail
SliderXƏBƏRLƏR

Avropa Parlamentinin rəsmiləri siyasi məhbuslara görə Azərbaycana qarşı sanksiya çağırışı edib

by Gozetci
written by Gozetci
Avropa Parlamenti Azərbaycan hökumətinin son aylarda vətəndaş cəmiyyəti fəalları və jurnalistlərə qarşı həyata keçirdiyi geniş repressiya dalğasını qınayan bəyanat yayıb.
İnsan Hüquqları üzrə Alt Komitənin Sədri, deputat Udo Bullmann, Cənubi Qafqaz ölkələri ilə əlaqələr üzrə nümayəndə heyətinin sədri, deputat Marina Kalyurand, Parlamentin Azərbaycan üzrə daimi məruzəçisi, deputat Jelyana Zovkonun imzaladığı birgə bəyanatda iqtisadçı alim Qubad İbadoğlunun ibtidai istintaqının bir ildən artıq müddətə uzadılması və onun saxta ittihamlarla təqibinin davam etdirilməsi tənqid olunub.
“Biz Avropa Parlamentinin Azərbaycan hakimiyyətini professor İbadoğluna qarşı bütün ittihamları dərhal ləğv etmək və təcili tibbi müalicə üçün xaricə getməsinə icazə verməklə bağlı çağırışını təkrar edirik”, – sənəddə deyilib.
Bəyanatda Azərbaycanda hökuməti tənqid edən şəxslərə qarşı davamlı repressiyalar və ədalət mühakiməsinin sistemli şəkildə pozulması da qətiyyətlə pislənilib.
“Tanınmış hüquq müdafiəçisi, Seçkilərin Monitorinqi və Demokratiyanın Tədrisi Mərkəzinin rəhbəri, Avropa Şurasının Vatslav Havel İnsan Haqları Mükafatı laureatı Anar Məmmədlinin aprelin 29-da qondarma qaçaqmalçılıq ittihamı ilə həbs olunması da vətəndaş cəmiyyətinə və bütün fərqli səslərə qarşı amansız təzyiqin daha bir bariz nümunəsidir. Bu, “AbzasMedia”, “Kanal 13” və “Toplum TV” də daxil olmaqla, Azərbaycanda qalan bir neçə müstəqil media orqanının jurnalistlərinin böyük həbs dalğası və saxta ittihamlarla həbs edilməsindən sonra baş verib”, – bəyanatda vurğulanıb.
Birgə bəyanatda hazırda 300-ə yaxın siyasi məhbusun olduğu Azərbaycan dünyanın ən repressiv ölkələrindən biri adlandırılıb.
“Bütün siyasi məhbuslar azad edilməli və bütün siyasi motivli ittihamlar dərhal ləğv edilməlidir. Vəziyyətin pisləşməsi fonunda biz Ali Nümayəndəni və Şuranı Avropa Birliyi Nizamnaməsinin 21-ci maddəsində göstərildiyi kimi Avropa Birliyinin xarici fəaliyyətinin rəhbər prinsiplərinə uyğun hərəkət etməyə və Parlamentin Avropa İttifaqının Qlobal İnsan Hüquqları Sanksiya Rejimi çərçivəsində sanksiyalar tətbiq etməyə çağırırıq. Parlamentin 15 mart 2023-cü il, 14 sentyabr 2023-cü il və 25 aprel 2024-cü il tarixli qərarlarına uyğun olaraq, bu ciddi insan hüquqlarına dair pozuntularında əli olan Azərbaycan məmurlarına qarşı cəza tətbiq edilsin” – bəyanatın sonunda qeyd edilib.
AbzasMedia
0 comments
0 FacebookTwitterPinterestTumblrVKWhatsappEmail
BakıBölgəƏdalətli mühakimə hüququHüquq PozuntularıSliderXƏBƏRLƏR

Məhkəmə Tofiq Yaqublunu ev dustaqlığına buraxmaqdan imtina edib

by Gozetci
written by Gozetci

Tofiq Yaqublu

Mayın 31-də Bakının Nərimanov Rayon Məhkəməsi Demokratik Qüvvələrin Milli Şurasının və Müsavat Partiyasının üzvü Tofiq Yaqublunun ev dustaqlığına buraxılması ilə bağlı müdafiə tərəfinin vəsatətini təmin etməyib.

Bu barədə Turan-a siyasətçinin qızı Nigar Həzi bildirib.
Onun sözlərinə görə, məhkəmənin qərarından apellyasiya şikayəti veriləcək.
“Ata məhkəmədə bildirdi ki, ittiham yalandır və siyasi hakimiyyətin sifarişidir. Dedi ki, onu hakimiyyəti tənqid etdiyinə görə təqib edirlər”, – Nigar Həzi deyib.
* Demokratik Qüvvələrin Milli Şurasının Koordinasiya Mərkəzinin və Müsavat Partiyasının üzvü Tofiq Yaqublu dekabrın 14-də dələduzluq və qanunsuz sənəd hazırlamaqda ittiham olunaraq həbs edilib.
0 comments
0 FacebookTwitterPinterestTumblrVKWhatsappEmail
SliderXƏBƏRLƏR

İqtisadçı Fərid Mehralızadənin saxlanıldığı bildirilir

by Gozetci
written by Gozetci

Fərid Mehralızadə

Bu gün, mayın 30-da iqtisadçı Fərid Mehralızadənin bu gün, saxlandığı bildirilir.

Bu barədə Azadlıq Radiosuna onun yaxınları məlumat verib.
Yaxınlarının sözlərinə görə, O, Bakı şəhərində evindən çıxarkən saxlanarq qara avtomobilə aparılıb:
“Bir neçə saat sonra onu evə gətiriblər və evdə axtarış aparılıb. Daha sonra onu Bakı Şəhər Baş Polis İdarəsinə aparıblar. Hazırda ordadır”.
Məsələ ilə bağlı Daxili İşlər Nazirliyindən isə “Turan”a bildirilib ki, Fərid Mehralızadə polisə dəvət olunub, araşdırma aparılır.
Nazirlikdən əlavə məlumat verilməyib.
0 comments
0 FacebookTwitterPinterestTumblrVKWhatsappEmail
SliderXƏBƏRLƏR

Avropa İttifaqının xarici əlaqələr xidməti Bakını siyasi məhbusları azad etməyə çağırır

by Gozetci
written by Gozetci
Mayın 29-da Avropa İttifaqının xarici əlaqələr və təhlükəsizlik xidmətinin mətbuat katibi Azərbaycanda əfv aktı ilə bağlı bəyanat verib.
“Mayın 25-də Azərbaycan prezidenti İlham Əliyev 154 məhkumun əfv edilməsi haqqında sərəncam imzalayıb. Keçmişdən fərqli olaraq bu il fərmana fundamental hüquqlarını həyata keçirdiklərinə görə cəza çəkən şəxslər daxil edilməyib.
Son aylar müstəqil jurnalistlərin, hüquq müdafiəçilərinin və siyasi fəalların siyasi motivli ittihamlarla həbslərinin narahatedici artımı müşahidə olunur. Xüsusilə, “Abzas Media”, “Toplum” TV, “Kanal 11” və “Kanal 13” kimi müstəqil media mənsubları, III Respublika Platforması kimi siyasi hərəkatlar, əmək hüquqlarını müdafiə edən qruplar və Demokratik Təşəbbüslər İnstitutu kimi digər təşkilatlar hədəfə alınıb. Onların bir çoxunun həbs müddəti dəfələrlə uzadılıb.
Avropa İttifaqı Azərbaycanı əsas hüquqlarını həyata keçirdiklərinə görə həbsdə olan bütün şəxsləri azad etməyə, məhbuslar üçün ləyaqətli və təhlükəsiz şəraiti, o cümlədən onların sağlamlıq və müstəqil hüquqi xidmətlərdən tam istifadəsini təmin etməyə çağırmaqda davam edir. Bizi, xüsusilə Qubad İbadoğlu və Ələsgər Məmmədlinin sağlamlıq vəziyyəti narahat edir. Biz Azərbaycan hakimiyyətini bir daha çağırırıq ki, cənab İbadoğlunun təcili ehtiyacı olan tibbi müalicəni alması üçün onun səyahət qadağasını ləğv etsin.
Azərbaycanın noyabr ayında ev sahibliyi edəcəyi BMT-nin İqlim Dəyişikliyi üzrə Qlobal Konfransının (COP29) mərkəzində vətəndaş cəmiyyətinin iştirakı dayanır. COP29 Azərbaycan üçün beynəlxalq hüquq üzrə öhdəliklərinə sadiqliyini təsdiqləmək, azad və müstəqil vətəndaş cəmiyyətinin işi üçün şərait yaratmaq imkanıdır. Bu, həm də 2021-ci ilin dekabrında Şərq Tərəfdaşlığı sammiti bəyannaməsində təkrarlandığı kimi, Azərbaycanın Şərq Tərəfdaşlığının üzvü kimi öhdəliklərinə uyğundur.
Avropa İttifaqı Azərbaycanda bütün insanların mənafeyi naminə insan hüquqları və qanunun aliliyi də daxil olmaqla, əməkdaşlığımızın bütün əsas istiqamətləri üzrə Azərbaycanla dialoqu davam etdirməyə sadiqdir”, – bəyanatda deyilir.
Turan
0 comments
0 FacebookTwitterPinterestTumblrVKWhatsappEmail
BakıBölgəHüquq PozuntularıSliderTibbi yardım hüququXƏBƏRLƏR

İstintaq təcridxanasında batareya udmuş müxalifətçinin vəziyyəti ağır olaraq qalır

by Gozetci
written by Gozetci

Elxan Əliyev

Azərbaycan Xalq Cəbhəsi Partiyasının fəalı Elxan Əliyevin istintaq təcridxanasında udduğu batareya hələ də onun orqanizmindədir, müxalifıtçinin xanımı Şahnaz Əliyeva bildirib.

Xatırladaq ki, mayın 26-da fəal yaxın vaxtlarda məhkəmənin onu azad edəcəyi barədə vədin yerinə yetirilməməsinə etiraz olaraq batareya udub.
Müxalifətçinin xanımının sözlərinə görə, Əliyev ağır psixoloji vəziyyətdədir və təcridxanada tibbi yardımdan imtina edir.
* Elxan Əliyev 2023-cü ilin iyulunda “dələduzluq” və “saxta sənəd hazırlamaq və istifadə etmək” ittihamı ilə həbs edilib. Fəal ittihamları uydurma adlandırıb. Hüquq müdafiəçiləri onu siyasi məhbus kimi tanıyıblar.
Aprelin 1-də Bakı Ağır Cinayətlər Məhkəməsi onu 5 il müddətinə azadlıqdan məhrum edib. Mayın 13-də apelyasiya şikayətinə baxılarkən Elxan Əliyev quru aclığa başlamaq niyyətində olduğunu bildirib.
Turan
0 comments
0 FacebookTwitterPinterestTumblrVKWhatsappEmail
BakıBölgəƏdalətli mühakimə hüququHüquq PozuntularıSliderXƏBƏRLƏR

Bakı Apellyasiya məhkəməsi Anar Məmmədlinin şikayətini təmin etməyib

by Gozetci
written by Gozetci

Anar Məmmədli

Mayın 27-də Bakı Apellyasiya Məhkəməsində hakim Qədim Babayevin sədriliyi ilə Seçkilərin Monitorinqi və Demokratiyanın Tədrisi Mərkəzinin həbsdə olan rəhbəri Anar Məmmədlinin və valideynlərinin yaşadığı mənzillərdə axtarışın aparılması ilə bağlı verilmiş şikayətə baxılıb.

Vəkil Cavad Cavadovun verdiyi məlumata görə iddia təmin edilməyib.
Vəkil bildirib ki, Anar Məmmədli məhkəməyə gətirilməyib.
0 comments
0 FacebookTwitterPinterestTumblrVKWhatsappEmail
BakıBölgəƏdalətli mühakimə hüququHüquq PozuntularıSliderXƏBƏRLƏR

Nərgiz Absalamovanın həbs müddəti daha 22 gün uzadılıb

by Gozetci
written by Gozetci

Nərgiz Absalamova

“Abzas Media işi” üzrə həbs edilmiş jurnalist Nərgiz Absalamovanın istintaq dövrü üçün həbs müddəti daha 22 gün uzadılıb. Xətai Rayon Məhkəməsində keçirilən prosesdə hakim istintaq orqanının həbs müddətinin uzadılması ilə bağlı təqdimatını təmin edib.

Absalamovanın həbs müddəti artıq ikinci dəfə uzadılır. Bu ilin fevralından etibarən bu iş üzrə həbs edilmiş digər 5 media nümayəndəsinin də həbs müddəti uzadılıb.
Jurnalistlərin vəkilləri bildiriblər ki, istintaq heç bir əsaslı səbəb göstərmədən bu müddətin uzadılmasını istəyib, məhkəmə də heç bir əsas olmamasına baxmayaraq, müraciəti təmin edib.
AbzasMedia
0 comments
0 FacebookTwitterPinterestTumblrVKWhatsappEmail
BakıBölgəƏdalətli mühakimə hüququHüquq PozuntularıSliderXƏBƏRLƏR

Məhkəmə yenə Ələsgər Məmmədlini ev dustaqlığına keçirməkdən imtina edib

by Gozetci
written by Gozetci

Ələsgər Məmmədli

Toplum TV-nin təsisçisi Ələsgər Məmmədlinin səhhətində ciddi problemlər olmasına baxmayaraq, mayın 24-də Bakının Xətai Rayon Məhkəməsi onu ev dustaqlığına keçirməkdən yenə imtina edib.

Bu barədə Turan-a Məmmədlinin vəkili Aqil Layıc bildirib.
Məmmədinin səhhəti pisləşməkdə davam edir, bununla belə, məhkəmə müdafiə tərəfin vəsatətini təmin etməyib. Eyni zamanda, onun qalxanabənzər vəzindəki şişi müayinə etdirməsi üçün imkan yaradılmır. Müdafiə tərəfi apellyasiya şikayəti verəcək.
Bundan başqa, Məmmədliyə səmərəli tibbi yardımın təmin edilməsi üçün AİHM-yə ərizə verilib.
0 comments
0 FacebookTwitterPinterestTumblrVKWhatsappEmail
Newer Posts
Older Posts