“Məqsəd anti-korrupsiya xəbərlərini susdurmaqdır”

Jurnalistləri Müdafiə Komitəsi (CPJ) Azərbaycan hakimiyyətini “AbzasMedia”nın direktoru Ülvi Həsənli və saytın baş redaktoru Sevinc Vaqifqızını azad etməyə çağırıb.

Qurumun yaydığı müraciətdə həmçinin, bildirilir ki, noyabrın 20-dən bəri barəsində məlumat olmayan ictimai fəal Məhəmməd Kekalovun harada olduğu açıqlanmalıdır.

Ülvi Həsənli və Sevinc Vaqifqızı noyabrın 21-də Xətai rayon Məhkəməsinin qərarı ilə 4 ay müddətinə həbs ediliblər. Onlar ölkəyə qanunsuz yolla pul gətirməkdə təqsirli bilinirlər.

Təqsirləri sübuta yetirilərsə, onları Azərbaycan Cinayət Məcəlləsinin 206.3.2-ci maddəsi ilə səkkiz ilədək həbs cəzası gözləyir.

Hər ikisi bu ittihamı rədd edir, həbslərinin peşə fəaliyyətləri ilə bağlı olduğunu bildirirlər.

“Ülvi Həsənli və Sevinc Vaqifqızına verilən həbs-qətimkan tədbiri hakimiyyətin azad mediaya basqısının nümunəsidir. Məqsəd “AbzasMedia”-nın cəsarətli anti-korrupsiya xəbərlərini susdurmaqdır”, – CPJ təmsilçisi Cipsi Güllen Kayzer bildirib.

Əlavə edib ki, Azərbaycan hakimiyyəti Vaqifqızını və Həsənlini dərhal azad etməli, Məhəmməd Kekalovun harada olduğu barədə məlumat verməlidir. Həmçinin “AbzasMedia”ya öz fəaliyyətini davam etdirməyə imkan yaratmalıdır.

Noyabrın 20-də “AbzasMedia”nın direktoru Ülvi Həsənli saxlanılıb. Ona qarşı Cinayət Məcəlləsinin 206.3.2. (qabaqcadan əlbir olan bir qrup şəxs tərəfindən qaçaqmalçılıq) maddəsi ilə ittiham verilib.

Bir gün sonra, noyabrın 21-də isə “AbzasMedia”nın baş redaktoru Sevinc Vaqifqızı Azərbaycana qayıdarkən hava limanında saxlanılıb. Ona qarşı da eyni ittiham irəli sürülüb.
Hər ikisinin evində, həmçinin “AbzasMedia”nın ofisində axtarış aparılıb. Media qurumun ofisindən 40 min avro tapıldığı iddia edilib.

Ülvi Həsənli, Sevinc Vaqifqızı və Məhəmməd Kekalov. Foto: Meydan TV

Sevinc Vaqifqızı açıqlamasında bildirib ki, ofisdə 40 min avro olması mümkün deyil, oradan tapsalar, yalnız bir qazan dadlı yemək tapa bilərlər.

İctimai fəal Məhəmməd Kekalov da evindən mülki geyimli polis əməkdaşları tərəfindən aparılıb. İki gündür ki, ondan xəbər yox idi. Noyabrın 22-də Daxili İşlər Nazirliyinin Mətbuat xidmətinin rəhbəri Elşad Hacıyev Meydan TV-yə bildirdi ki, o, polis bölməsindədir, məsuliyyətə cəlb edilib.

Lakin hansı polis bölməsində olması və hansı işlə bağlı məsuliyyətə cəlb edilməsi barədə ətraflı məlumat verməyib.

Başqa beynəlxalq təşkilatlar da Azərbaycan hakimiyyətinə müraciət edərək, azad mediaya qarşı təzyiqi dayandırmasını istəyiblər. Baş verənləri mediaya qarşı “qisas” adlandırıblar.

Norveç Helsinki Komitəsi Azərbaycanda Abzas Media-nın direktoru Ülvi Həsənlinin və baş redaktoru Sevinc Vaqifqızının “uydurma qaçaqmalçılıq ittihamı” ilə həbsini, habelə bu komandanın daha bir üzvünün – Məhəmməd Kekalovun saxlanılmasını pisləyib.

Komitə Azərbaycan hakimiyyətini müstəqil KİV-lərə qarşı təzyiqə son qoymağa və saxlanılmış jurnalistləri dərhal azad etməyə çağırıb, bu barədə bu təşkilatın X sosial şəbəkəsindəki məlumatında deyilir.

Turan

Metyu Miller

ABŞ Azərbaycan hökumətini ölkədəki hüquq və azadlıqlara hörmət etməyə çağırıb

Səbəb hakimiyyətin son günlər azad media orqanı olan “AbzasMedia”ya təzyiqi və əməkdaşlarının həbsidir.

ABŞ Dövlət Departamentinin sözçüsü Metyu Miller hər üç şəxsin həbsi, həmçinin Ülvi Həsənlinin saxlanıldığı zaman fiziki zorakılığa məruz qalmasından dərin narahat olduqlarını bildirib.

“Biz Azərbaycan hökumətini hamının hüquq və azadlıqlarına, o cümlədən, ifadə azadlığına hörmət etməyə çağırırıq”, – Miller əlavə edib.

Xatırlatma

“AbzasMedia”nın direktoru Ülvi Həsənli və baş redaktoru Sevinc Vaqifqızı noyabrın 21-də Xətai rayon Məhkəməsinin qərarı ilə 4 ay müddətinə həbs ediliblər. Onlar qaçaqmalçılıqda təqsirli bilinirlər.

Təqsirləri sübuta yetirilərsə, Azərbaycan Cinayət Məcəlləsinin 206.3.2-ci maddəsi ilə səkkiz ilədək həbs edilə bilərlər.

Hər ikisi bu ittihamı rədd edir, həbslərinin peşə fəaliyyətləri ilə bağlı olduğunu bildirirlər.

İctimai fəal Məhəmməd Kekalov da noyabrın 20-də evindən mülki geyimli polis əməkdaşları tərəfindən aparılıb. İki gündür ki, ondan xəbər yox idi. Noyabrın 22-də Daxili İşlər Nazirliyinin Mətbuat xidmətinin rəhbəri Elşad Hacıyev Meydan TV-yə bildirib ki, o, polis bölməsindədir, məsuliyyətə cəlb edilib.

Lakin hansı polis bölməsində olması və hansı işlə bağlı məsuliyyətə cəlb edilməsi barədə ətraflı məlumat verməyib.

Meydan TV 

Məhəmməd Kekalov

İctimai fəal barədə ətraflı məlumat verilmir

“AbzasMedia”nın noyabrın 20-də evindən polislər tərəfindən aparılan və iki gün ərzində barəsində məlumat verilməyən əməkdaşı Məhəmməd Kekalov məsuliyyətə cəlb edilib.

Bu barədə Daxili İşlər Nazirliyinin (DİN) Mətbuat xidmətinin rəhbəri Elşad Hacıyev bildirib. Elşad Hacıyev hazırda Məhəmməd Kekalovun polis bölməsində olduğunu bildirib, müvafiq cinayət işi üzrə məsuliyyətə cəlb edildiyini söyləyib.

DİN sözçüsü Kekalovun hansı polis bölməsində olması, hansı cinayət işi üzrə məsuliyyətə cəlb edilməsi barədə ətraflı cavab verməyib.

Xatırlatma

İctimai fəal Məhəmməd Kekalov noyabrın 20-də evindən mülki geyimli polis əməkdaşları tərəfindən aparılıb. Vəkili və ailəsi iki gün ərzində ondan məlumat ala bilməyib. Onun işgəncəyə məruz qaldığı ehtimal edilir.

Noyabrın 20-də “AbzasMedia”nın direktoru Ülvi Həsənli saxlanılıb. Ona qarşı Cinayət Məcəlləsinin 206.3.2. (qabaqcadan əlbir olan bir qrup şəxs tərəfindən qaçaqmalçılıq) maddəsi ilə ittiham verilib.

Bir gün sonra, noyabrın 21-də isə “AbzasMedia”nın baş redaktoru Sevinc Vaqifqızı Azərbaycana qayıdarkən hava limanında saxlanılıb. Ona qarşı da eyni ittiham irəli sürülüb. Hər ikisinin evində, həmçinin “AbzasMedia”nın ofisində axtarış aparılıb. Media qurumunun ofisindən 40 min avro tapıldığı iddia edilib.

Sevinc Vaqifqızı açıqlamasında bildirib ki, ofisdə 40 min avro olması mümkün deyil, oradan tapsalar, yalnız bir qazan dadlı yemək tapa bilərlər.

Ülvi Həsənli və Sevinc Vaqifqızı noyabrın 21-də Xətai rayon Məhkəməsinin qərarı ilə 4 ay müddətinə həbs ediliblər. Onlar ölkəyə qanunsuz yolla pul gətirməkdə təqsirli bilinirlər.
Təqsirləri sübuta yetirilərsə, onları Azərbaycan Cinayət Məcəlləsinin 206.3.2-ci maddəsi ilə səkkiz ilədək həbs cəzası gözləyir.

Hər ikisi bu ittihamı rədd edir, həbslərinin peşə fəaliyyətləri ilə bağlı olduğunu bildirirlər.
Beynəlxalq təşkilatlar da Azərbaycan hakimiyyətinə müraciət edərək, azad mediaya qarşı təzyiqi dayandırmasını istəyiblər. Baş verənləri mediaya qarşı “qisas” adlandırıblar.

Meydan TV 

Ülvi Həsənli və Sevinc Vaqifqızı

“Azərbaycanda qaçaqmalçılıq “növbətçi ittiham” xarakteri daşımaqdadır”. Bu barədə Abzas Media-ya “Müdafiə Xətti” hüquq müdafiə təşkilatının icraçı direktoru Rüfət Səfərov bildirib.

Onun sözlərinə görə, vətəndaş cəmiyyəti fəallarına, siyasi aktivistlərə qarşı heç bir qanuni əsas və səbəb olmadan bu ittiham irəli sürülür:

“Sonrakı mərhələdə saxta motivlər üzrə “hüquqi torbalar” genişləndirilir. Jurnalistlər Ülvi Həsənli və Sevinc Vaqifqızınadək ADR Partiyasının sədri Qubad İbadoğluna, Bəxtiyar Hacıyevə qarşı da eyni ittihamlar irəli sürülüb. Başqa təcrübələr də var”.

Rüfət Səfərov hesab edir ki, prosesə qiymət verən yerli və beynəlxalq hüquq müdafiəçiləri bu kimi ittihamların siyasi yükünə inanır, tamamilə qurama olduğunu önə çəkirlər.

“Heç şübhəsiz, ifadə azadlığı kontekstində saxlanılan Ülvi bəy, Sevinc xanım bəri başdan vicdan məhbuslarıdır və dərhal azad olunmalıdırlar”, – deyə o bildirib.

Eyni ittihamla həbs olunan və 3 ildən çox həbsdə qalan keçmiş siyasi məhbus Əfqan Muxtarlı da eyni fikirdədir.

“Abzas Medianın direktoru Ülvi Həsənliyə və baş redaktor Sevinc Vaqifqızına qarşı sürülən qaçaqmalçılıq ittihamı mənə və rəhmətlik Gözəl Bayramlıya qarşı da irəli sürülüb. Konkret məni sərhədi qanusuz kecərkən ölkəyə guya 10 min avro pul gətirməkdə ittiham etmişdilər. İndiki halda daha absurd vəziyyət yaranıb. Jurnalist həmkarlarımız sərhədi keçmə faktı olmadan ölkəyə qanunsuz valyuta gətirməkdə ittiham olunub. Üstəlik Azərbaycan hakimiyyəti Ülviyə və Sevinc xanıma qarşı Cinayyət Məcələsinin daha ağır bəndlərindən istifadə edir. Azərbaycan hakimiyyətinin qaçaqmalcılıq maddəsindən tənqidci jurnalistlərə və siyasi rəqiblərinə qarşı silah kimi istifadə etməsi göz önündədir”, – deyə o qeyd edib.

Digər hüquq müdafiəçisi Zəfər Əhmədovun fikrincə, bu maddənin siyasi fəallara və jurnalistlərə qarşı tətbiq olunmasının səbəbi hakimiyyətin qisasçı olmasından başqa, həm də ictimaiyyətdə “müxalifət qrantyeyəndir” fikrinin formalaşdırılması istəyidir.

“Əlavə edim ki, oxşar ittihamlar formaca bir az fərqli də olsa Saleh Rüstəmli və bir qrup siyasi fəal haqda da tətbiq olunmuşdu”, – deyə o bildirib.

Xatırladaq ki, ötən gün Abzas Media onlayn nəşrinin direktoru Ülvi Həsənli və baş redaktoru Sevinc Vaqifqızı həbs ediliblər. Onlara qarşı AR CM-nin 206.3.2-ci maddəsilə (qaçaqmalçılıq, əvvəlcədən əlbir olan qrupla törədildikdə) ittiham irəli sürülüb.

Onların hər ikisi ittihamları rədd edir və həbslərinin peşəkar fəaliyyətləri, Abzas Media-da dərc olunan korrupsiya araşdırmaları ilə bağlı olduğunu bildirirlər.

Noyabrın 20-də evindən mülki şəxslər tərəfindən zorakılıqla aparılan ictimai fəal Məhəmməd Kekalovdan isə ikinci sutkadır ki, heç bir xəbər yoxdur. Yaxınları istintaqa gərəkli ifadələrin alınması üçün ictimai fəala işgəncə verildiyi ehtimalından narahatdırlar.

AbzasMedia

İslam Şıxəli

O, polisə yolu bağladığına görə irad tutub

Noyabrın 21-də Xətai Rayon Məhkəməsinin qarşısında jurnalist İslam Şıxəlinin saxlanıldığı bildirilir.

İslam Şıxəli həmkarı Sevinc Vaqifqızının məhkəmə prosesindən reportaj hazırlamaq istəyərkən polislər adamları itələyərək onlara yolu bağlamaqda irad tutub.

Bu məqamda İslam Şıxəlinin polislərin özlərinin yolu bağladıqları reaksiyası onun saxlanması ilə nəticələnib.

Xatırlatma

Noyabrın 21-də “AbzasMedia”nın baş redaktoru Sevinc Abbasovaya (Vaqifqızı) qarşı Cinayət Məcəlləsinin 206.3.2. (qabaqcadan əlbir olan bir qrup şəxs tərəfindən qaçaqmalçılıq) maddəsi ilə ittiham verilib.

Bu gün Xətai Rayon Məhkəməsində ona hökm veriləcəyi gözlənilir.

Noyabrın 20-də “AbzasMedia”nın direktoru Ülvi Həsənli də saxlanılıb.

Ona qarşı da eyni ittiham irəli sürülüb.

Barələrində verilən ittiham təsdiq edilərsə, onları 8 ilədək həbs cəzası gözləyir.

İctimai fəal Məhəmməd Kekalov da evindən mülki geyimli polis əməkdaşları tərəfindən aparılıb.

Bir gündən artıqdır ki, ondan xəbər yoxdur.

Meydan TV 

Məhəmməd Kekalov

İkinci gündür ki, vəkil noyabrın 20-də səhər saxlanılan ictimai fəal Məhəmməd Kekalovun saxlandığı yeri müəyyənləşdirə bilmir.

“Dünən və bu gün Daxili İşlər Nazirliyinin “102” Çağrı Mərkəzinə, Bakı Şəhər Baş Polis İdarəsinə və ombudsmana müraciət etmişəm. Hələ də Kekalovun harada və hansı səbəbdən saxlanılması ilə bağlı məlumat ala bilməmişik”, – vəkil Rövşanə Rəhimli Turan-a bildirib. Ötən gün  bir neçə mülki şəxs Kekalovun yaşadığı evə gəlib. Heç bir sənəd təqdim etmədən gənci saxlayıblar və zorla özlərilə apardılar. Eyni zamanda, gəncin şəxsi kompüterini və mobil telefonunu götürüblər.

Fəallar hesab edirlər ki, Kekalovun saxlanılması əməkdaşlıq etdiyi “Abzas Media” rəhbərlərinin işilə əlaqədar ola bilər.

Daxili İşlər Nazirliyi Kekalovun saxlanmasını şərh etmir.

Turan