Şəmşad Ağa
“Meydan TV işi” üzrə həbsdə olan jurnalist və “Arqument az” saytının baş redaktoru Şəmşad Ağanın həbs müddəti uzadılıb
Noyabrın 26-da Xətai Rayon Məhkəməsində jurnalist barəsində növbəti məhkəmə prosesi keçirilib. Məhkəmənin qərarı ilə Şəmşad Ağanın həbs müddəti əlavə 20 gün uzadılıb.
Xatırladaq ki, Şəmşad Ağa fevralın 5-də “Meydan TV” ilə bağlı cinayət işi çərçivəsində saxlanılıb. Ona qarşı Cinayət Məcəlləsinin 206.3.2-ci maddəsi (qaçaqmalçılıq, əvvəlcədən əlbir olan bir qrup şəxs tərəfindən törədildikdə) ilə ittiham irəli sürülüb. Avqust ayında “Meydan TV işi” üzrə ittihamlar ağırlaşdırılıb və bu iş üzrə həbs olunan şəxslərə qarşı daha 7 maddə əlavə olunub.
Bu iş üzrə həbs edilən jurnalistlər özlərini təqsirli bilmir və bildirirlər ki, tənqidçi fəaliyyətlərinə görə hədəf alınıblar.
AbzasMedia
