Ülviyyə Əli
Bu barədə jurnalistin yaxınları sosial mediada məlumat yayıblar.
Noyabrın 26-da Xətai Rayon Məhkəməsində keçirilmiş prosesdə ittiham tərəfinin verdiyi təqdimat əsasında həbs qətimkan müddəti dekabrın 27-ə qədər uzadılıb.
Yaxınları bildirib ki, Ülviyyə Əli məhkəmədə müdafiə çıxışı etməyi “mənasız hesab etdiyini” deyib.
“Bu, sadəcə yuxuma haram qatmaqdan başqa bir şey deyil” deyə qeyd edən jurnalist əvəzində “Xoruz” şeirini səsləndirib.
“Bu şeirin məhkəməyə nə qədər aidiyyəti varsa, ittihamların da mənə o qədər aidiyyəti var”, – jurnalist bildirib.
Buna qədər Ülviyyə Əlinin həbs müddəti bir neçə dəfə uzadılıb.
Xatıradaq ki, mayın 7-də “Meydan TV işi” üzrə həbs olunan Ülviyyə Əli jurnalist kimi “Amerikanın Səsi” ilə əməkdaşlıq edib.
Bu media qurumu ilə əməkdaşlığını bitirəndən sonra da o, öz sosial media hesablarında siyasi motivli məhkəmələrdən reportajlar yayımlamağa davam edib.
Toplum TV
