Namizəd Səfərov
Hüquqşünas Namizəd Səfərov barəsində 4 ay həbs qətimkan tədbiri seçildiyi bildirilir.
APA-nın xəbərinə görə, bu barədə Xətai Rayon Məhkəməsi qərar verib.
Onun Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə təqsirləndirildiyi deyilir.
Xəbərdə iddia olunur ki, Namizəd Səfərov adı açıqlanmayan şəxsdən 53 min manat məbləğində pul vəsaiti alaraq onu vəzifəyə düzəltməyə söz verib.
Hüquqşünasın özünün ittihama münasibəti bəlli deyil.
Namizəd Səfərov 2005-ci ildə Vəkillər Kollegiyasından çıxarılıb. O, bunu kollegiya rəhbərliyini tənqid etməsi ilə izah edirdi.
Namizəd Səfərov yeni yaradılan Azərbaycan Xalq Parlamentinin həmsədri idi. O, hakimiyyəti tənqid edən çıxışları ilə tanınırdı.
Azərbaycan Xalq Parlamenti verdiyi bəyanatda N.Səfərova qarşı cinayət işini “əsassız, siyasi motivli və cəmiyyətdə siyasi vahimə xofu yaratmaq məqsədilə keçirilən siyasi akt” kimi qiymətləndirib.
Toplum TV
