Müsavat Partiyasının fəalı Əlikram Xurşidova 10 sutka inzibati həbs cəzası verilib

Əlikram Xurşidov

Yanvarın 19-da Müsavat Partiyasının fəalı, keçmiş siyasi məhbus Əlikram Xurşidov Şirvan Rayon Məhkəməsinin qərarı ilə 10 sutka inzibati həbsə məhkum edilib.

Bu barədə Müsavat Partiyasının açıqlamasında bildirilir.

Partiya Xurşidovun həbsini əsassız və siyasi motivli hesab edir. Müsavat Xurşidovun həbsini sosial şəbəkələrdə hakimiyyəti sərt tənqid etməsi ilə əlaqələndirir.

Partiya Xurşidovun və bütün digər siyasi məhbusların azadlığa buraxılmasını və repressiyalara son qoyulmasını tələb edib.

Turan