AXCP üzvü Vüqar Qədirov barəsində həbs qətimkan tədbiri seçilib

Vüqar Qədirov

Dekabrın 13-də Nərimanov Rayon Məhkəməsində Azərbaycan Xalq Cəbhəsi Partiyasının (AXCP) üzvü Vüqar Qədirov barəsində 3 ay müddətinə həbs qətimkan tədbiri seçilib.

Vüqar Qədirov qanunsuz silah saxlama maddəsi ilə ittiham olunur.

O, dekabrın 12-də bir neçə mülki geyimli şəxs tərəfindən saxlanılaraq naməlum istiqamətə aparılmışdı.

Qədirov evində və işlədiyi kafedə axtarış aparılıb.

Bundan öncə Rusiyameylli təbliğata etiraz etdiyi üçün Vüqar Qədirov Saleh Səmədov adlı şəxs tərəfindən xüsusi ittiham qaydasında məhkəməyə verilmişdi.

Hazırda AXCP-nin partiya sədri də daxil olmaqla 20-dən çox üzvü həbsdədir. Partiya bu həbsləri siyasi sifariş kimi qiymətləndirir.

Meydan TV