[:az]Şəhla Hümbətovanın Vəkillər Kollegiyasından çıxarıldığı bildirilir[:]

[:az]“Anar Bağırovla görüşdükdən sonra, açıqlama verəcəm”

Vəkil Şəhla Hümbətovanın Vəkillər Kollegiyasından çıxarıldığı bildirilir. Məlumata görə, bu barədə qərar, kollegiyanın noyabrın 28-də keçirdiyi iclasda qəbul edilib.

İclas haqqında kollegiyanın yaydığı rəsmi açıqlmada Şəhla Hümbətova ilə bağlı heç nə deyilməsə də, bir sıra intizam məsələlərinə baxıldığı qeyd olunub.

Vəkil Şəhla Hümbətova Meydan TV-ə bu barədə məlumatlı olmadığını deyib:

“Məlumatı dəqiqləşdirməliyəm. Kollegiyanın sədri Anar Bağırovla görüşdükdən sonra açıqlama verəcəm”, – Şəhla Hümbətova deyib.

Şəhla Hümbətova 2018-ci ilin iyununda Gəncədə baş verən hadisələrlə bağlı həbs edilən bir neçə şəxsin vəkili olub.

Meydan TV[:]