Ayaz Məhərrəmli ev dustaqlığına buraxılmayıb

[:az] Xalq Cəbhəsi Partiyasının Rəyasət Heyətinin üzvü Ayaz Məhərrəmlinin həbsinin ev dustaqlığı ilə əvəz olunması barədə vəkil Fariz Namazlının verdiyi vəsatət təmin olunmayıb.  Avqustun 20-də Nəsimi rayon məhkəməsində hakim Babək Pənahovun sədrliyi ilə keçən prosesdə A. Məhərrəmovun iştirakı təmin edilib. F. Namazlı məhkəmə qərarından apellyasiya şikayəti verəcəyini bildirib.

Xatırladaq ki, iyulun 14-də Milli Məclisin binası önündə Qarabağa dəstək aksiyasında baş verən insidentdən sonra 40-dan artıq AXCP üzvü və başqa bir sıra müstəqil şəxs saxlanılıb. Ayaz Məhərrəmli CM-nin 315, 186.2.1, 233-cü maddələri ilə cinayət məsuliyyətinə cəlb olunaraq barəsində həbs qətimkan tədbiri seçilib.[:]