[:az]
Lənkəran Rayon Polis İdarəsinin rəis müavini Faiq İlyasov Müsavat başqanının müavini Gülağa Aslanlıya qarşı şiddət göstərək kobudluq edib. Bu barədə “Arqument.az” saytının redaktoru Şəmşad Ağa özünün Facebook hesabında məlumat paylaşıb. Redaktorun sözlərinə görə Polis İdarəsinin rəis müavini Faiq İlyasov tərəfindən onun hadisəni çəkməsinə mane yaradılıb:
“O, mənə kobud davrandı, peşə fəaliyyətimə müdaxilə etdi. Bununla bağlı Daxili İşlər Nazirliyi və Baş Prokurorluğa rəsmi müraciət edəcək, həmçinin Faiq İlyasovu peşə fəaliyyətimə mane olduğuna görə məhkəməyə verəcəyəm”.
Xatırladaq ki, Müsavat Partiyasının Divan üzvü Yadigar Sadıqlının evi polislər tərəfindən mühasirəyə alınıb. Y.Sadıqlının sözlərinə görə Müsavat Partiyasının Lənkəran təşkilatının ümumi yığıncağının keçirilməsi planlaşdırılırdı. Mayor rütbəli birisi deyib ki, icazə almaq lazımdı.[:]
